sangrila bank

केपी ओली र अर्थमन्त्रीले हामीसँग झूट बोल्नुभयो : वर्षमान पुन अनन्त

प्रधानमन्त्री केपी ओली नेतृत्वको सरकार परिवर्तनको बहसले नेपाली राजनीति फेरी तरंगित छ । प्रमुख सत्ता साझेदार दल नेकपा माओवादी केन्द्रले आफूसँग भएका सम्झौताहरु वर्तमान प्रधानमन्त्रीले लागु नगरेको आरोप लगाइरहेको छ । सोमबार बसेको नेकपा माओवादी केन्द्रको बैठकले राष्ट्रिय सहमतिको सरकार निर्माणको गर्न प्रचण्डलाई जिम्मेवारी दिएको छ । राष्ट्रिय सरकार बनाउनु पर्ने बहसको अग्रविन्दुमा माओवादी केन्द्रकै नेता वर्षमान पुनअनन्त’ रहेका छन् । प्रस्तुत छ, वर्षमान पुन अनन्तसँग दियाेपाेस्टले गरेकाे कुराकानी :

  • राष्ट्रिय सरकारको बहस के हुँदैछ ?

हाम्रो पार्टीको पोलीटव्युरो बैठकले राष्ट्रिय सहमतिको सरकारको पहल गर्ने निर्णय गरेको छ । राष्ट्रिय सरकार एजेन्डामा आधारित हुन्छ ।

शान्ति प्रक्रियाका तीनवटा कामहरु थिए । राजनीतिक काम थियो – संविधानसभा मार्फत राजनीतिक एजेन्डाहरुलाई अधिकतम सम्बोधन गर्ने त्यो गरियो यद्धपी केही रिजर्भेसनहरु छन्। तर मूल रुपमा सम्बोधन भएको छ । दोस्रो–सेना समायोजन, हतियार व्यवस्थापनको काम सम्पन्न भयो ।

तेस्रो महत्वपुर्ण काम भनेको संक्रमणकालीन न्याय समाधान गर्नु हो । जनयुद्धका सहिद, बेपत्ता परिवार, घाईते, अपाङ्गता भएकाहरुलाई, राहत दिने, न्याय दिने, खोजी गर्ने काम बाँकी छ । यो संक्रमणकालिन न्याय पनि हो । त्यसको लागि राष्ट्रिय सरकार चाहीएको हो ।

त्यसैगरी संविधान जारी भएको छ । यसले तिनवटा निर्वाचन १८ महिनामा गर्नेछ । कम्तीमा पनि २०० वटा कानुन नयाँ बनाउनुपर्छ र सयौँ कानुनहरु परिमार्जन र संशोधन तिब्रतामा लान पनि राष्ट्रिय सहमतिको सरकार चाहीँन्छ ।

मधेसी, जनजाति लगायतका समुदायहरु संविधानमा आफनो केही असन्तुष्टिहरु राखेर आन्दोलनमा छन् । उनलाई संवाद र सहमतिमा ल्याउन सहमति नै चाहीँन्छ ।

भुकम्पपिडित आजपनि पालमूनि छन् । तीनलाई राहत दिन, पुनःनिर्माण गर्न, तिनका घर निर्माण गर्न, भत्किएका सम्पदाहरु निर्माण गर्न तीब्र गतिमा सहमतिका साथ राष्ट्रिय अभियान चलाउन जरुरी छ । र यति कुरा गरिसकेपछि राष्ट्रिय माहोल बन्छ । अर्थतन्त्र र राष्ट्रिय निर्माणको माहोल बन्छ । त्यसका लागि कम्तिमा मुख्य तीन पार्टी–माओवादी, कांग्रेस र एमालेबीच सहमति अनिवार्य छ । अन्य आवश्यक शक्तिलाई पनि लिएर सहमति बनाएर अगाडी जान जरुरी छ ।

barshaman pun


  • एमाले एक्लै अगाडी बढ्न चाहान्छ ।

  • एमालेसँग मिलेर चुनावहरुमा भाग लिने लगायतका सम्झौता भएको थियो ।

  • केपी ओलीलाई प्रधानमन्त्री बनाउन, घान थापिराख्न, जस्तासुकै अवस्थामा बसिराख्न हामीले भोट मागेका होईनौं । हामीले उहाँँहरुलाई काँध थापेर त्यहाँ पुर्‍यायौँ । अनि आज हामीलाई नै हेप्ने खालको, होच्याउने खालको, भएको छ त्यो सहन सकिँदैन राजनीतिक, संवैधानिक नियुक्तीहरुमा योग्य मान्छेहरुलाई पाखा लगाइयो । यसमा गठबन्धनका भाव भन्दा सबैमा एमालेकरण गरियो । हाम्रा मन्त्रीहरुका मातहतका मन्त्रालयमा नियुक्ती गर्दा कित एमालेको मान्छे हुनुपर्ने वा ढिलाई गर्दिने वा कामै गर्न नदिने वातावरण बनेको छ ।


  • तपाईंले भन्दै गरेको यो एजेन्डालाई एमालेले अस्विकार गरेको हो ?

एमालेको पोजिशन अन्तर्विराेधी छ । राष्ट्रिय सहमति भन्छ तर, सहमतिको प्रयत्न गर्दैन । हामीले उठाएका एजेन्डा ठिकै हो भन्छ, तर संवाद चाहन्न । अरु शक्तिहरुसँग पनि संवाद चाहन्न । उ एक्लै अगाडी बढ्न खोजीरहेछ । प्रधानमन्त्रीको बेलाबेला बोली सुन्दा मानौ उहाँ पाँच बर्षे दुई तिहाईको सरकार जस्तोे व्यवहार छ ।
उहाँ अल्पमतको दोस्रो पार्टीको सरकारमा हुनुहुन्छ । केही पार्टीले समर्थन गरेको छ । जो उहाँँको पार्टीका मान्छे होईनन् । फरक–फरक बीचार, सिद्धान्त बोकेको पार्टीहरुले समर्थन गया छ । त्यो उहाँले बिर्सिनुहुन्छ । गठबन्धन सरकारको नीति, भावना अनुसार उहाँ चल्नु हुन्न । आफ्नो पार्टी हित मात्रै हेरेको जस्तो देखिन्छ । यसकारण राष्ट्रिय सहमति बनाउन, अहिलेका राष्ट्रिय एजेन्डा सम्बोधन गर्न केपी ओली जी तदारुक नदेखिएको, गम्भीर नदेखिएको हामीले महशुस गरेका छाैँ।

  • भनेपछि अब एमाले र माओवादीबीचको सम्बन्धको भविष्य कस्तो हुन्छ ?

सम्बन्ध भनेको एजेन्डा आधारित हुन्छ । माओवादीको आफ्नो इडियोलोजी छ । उहाँको आफ्नो बीचार राजनीति छ । हामी हाम्रो बीचार राजनीतिमा छौँँ । उहाँँहरुले एउटा निश्चित नीति कार्यक्रमलाई भोट माग्नुभएको छ । हामीले हाम्रो निश्चीत कार्यनीतिलाई भोट मागेका छौँँ । केपी ओलीलाई प्रधानमन्त्री बनाउन, घान थापिराख्न, जस्तासुकै अवस्थामा बसिराख्न हामीलाई भोट मागेका होईनौं । त्यसैगरी उहाँँहरुले पनि हामीसँगै बस्नुपर्छ भनेर भोट माग्नु भएको होईन ।

सम्बन्धहरु स्वतन्त्र र एकअर्कासँग सम्मानजनक हुन्छन् । अहिले चाहीँ हामी बजेट पास गर्छौं । इमान्दारीता पूर्वक त्यसलाई समर्थन गर्छौं । त्यसपछि संवाद हुन्छ ।

तीनबुँदेमा बजेट पासपछि नेतृत्व हस्तान्तरणको कुरा छ । त्यसैलाई राष्ट्रिय सरकार बनाउन एमाले ईमान्दारिपुर्वक आयो भने, हामी ईमानदारितापुर्वक प्रयोग हुन्छौँ । आएन भने, त्यसमाथि हामी रिभ्यु गर्छौं ।

  • नेतृत्व हस्तान्तरणको विषयमा के सम्झौता भएको थियो ?

नौँ बुँदे सहमति बाहिर आइसकेको छ । त्यसमा पनि कतिपय कार्यान्वयन भएको छैन । हामीलाई धोका दिइएको छ । बजेटमा हामीलाई झुक्याउने काम भएको छ । हामीसँग प्रधानमन्त्री र अर्थमन्त्रीले झुट बोल्नु भएको छ ।

सन्तुलीत विकासको कुरा गर्नुभो तर प्रधानमन्त्री र अर्थमन्त्रीले आफनो क्षेत्रमा मात्रै बजेट खन्याउनुभो । यसले हाम्रो पार्टीमा होईन एमालेभित्र पनि असन्तुलन गर्‍यो । अनि तीनबुँदेमा हस्ताक्षर नगरेर समय आउँदा कार्यन्वयन गर्ने गरी जेन्टलमेन्ट एग्रीमेन्ट भएको थियो ।


यद्धपी केही सकारात्मक कुरोहरु बजेटमा आएका छन् । यसका अतिरिक्त जनयुद्ध, जनआन्दोलनमा घाईते भएका, अपाङ्गता भएकाहरुलाई सहयोग बृद्धि गर्ने, सहिद बेपत्ताहरुलाई राहत थप गर्ने भनेर उहाँले प्रतिबद्धता गर्नुभो तर बजेट व्यवस्था गर्नुभएन ।

aNANTA JI COVER

फाइल फाेटाे


सन्तुलीत विकासको कुरा गर्नुभो तर प्रधानमन्त्री र अर्थमन्त्रीले आफनो क्षेत्रमा मात्रै बजेट खन्याउनुभो । यसले हाम्रो पार्टीमा होईन एमालेभित्र पनि असन्तुलन गर्‍यो । अनि तीनबुँदेमा हस्ताक्षर नगरेर समय आउँदा कार्यन्वयन गर्ने गरी जेन्टलमेन्ट एग्रीमेन्ट भएको थियो । हामीलाई थाहा छ,–जेन्टलमेन्ट एग्रीमेन्ट भनेको समय आएपछि कार्यान्यन हुन्छ । र, जानकारीमा आउँछ । तर, एमाले नेताहरु आफैले यसलाई बाहिर लानुभयो । उहाँहरुले नै होईन भन्नुभयो ।
प्रधानमन्त्री स्वयम्ले नै बोल्न जरुरी थिएन । अनि त्यसक्रममा हामी बोलेनौ । ‘होईनक्यारे’ भन्ने एकखालको झुट माहोल बनेपछि हामीले पनि बोल्यौँ । त्यतिबेला बजेट प्रस्तुति र पास भएपछि नेतृत्व परिवर्तन गर्ने सहमति भएको थियो । त्यसको नेतृत्व माओवादीले गर्ने, त्यसलाई राष्ट्रिय सरकार बनाउन कोशिस गर्ने, त्यसमा एमाले पनि आउने सहमति भएको थियो ।

एमालेसँग मिलेर छौँ चरणका चुनावहरुमा भाग लिने लगायतका कुरोहरु पनि थिए । त्यसमा एमाले ईमान्दार देखिन्छ कि देखिन्न ? खरो उत्रिन्छ कि उत्रिन्न ? हामी हेर्छौं ।
हिजो कांग्रेस र एमालेकोे सातबुँदे सहमतिको पछाडि कांग्रेसले धोका दियो भन्नेहरुलाई अलि नकारात्मक कुरा भन्दा, हामीले सपोर्ट नगरेको भए त सिंहदरबारमा केपी ओलीजीको फोटो पनि नटाङ्गिने अवस्था भैसकेको थियो । कांग्रेसले त धोका दिइसकेको थियो । तर हामीले उहाँँहरुलाई काँध थापेर त्यहाँ पुर्‍यायौँ । अनि आज हामीलाई नै हेप्ने खालको, होच्याउने खालको, त्यसो त सहन सकिँदैन राजनीतिमा । एकपटकको सम्बन्ध होईन ।

  • यो हेपाईपूर्ण सम्बन्धकाे संकेत के हो ?

हामी ठूलो पार्टी हुँदा हाम्रो अध्यक्ष नेतृत्वकै सरकारलाई उहाँहरुले गिराएकै हो । बरु माधव नेपाललाई दुइ ठाउँबाट हार्दा पनि हामीले ल्याएका हौं । वामदेवजीले हार्दा पनि हामीले उपप्रधान तथा गृहमन्त्रीमा सर्पोट गरेकै हो । स्वयंम झलनाथजीलाई पनि सहयोग गरेकै हौँ, जतिबेला हामी पहिलो पार्टी थियौं । अहिले पहिलो पार्टी कांग्रसलाई छाडेर केपीजीलाई सहयोग गरेकै हौँ । हामीले पहिलो पार्टी कांग्रेसलाई पनि सहयोग गर्न सक्थ्यौँ । कांग्रेसलाई सपोर्ट गर्न नहुने केही पनि थिएन । शान्ति प्रक्रियाका लागि त धेरै विषय कांग्रेससँग मिल्थ्यो । मधेसलाई मेनस्ट्रिममा ल्याउन कुरो मिल्थ्यो । १२ बुँदे सहमति कांग्रेससँग गरेको हो । एमाले त सहयोगी मात्रै थियो । धेरै कुराहरु कांग्रेससँग मिल्दा–मिल्दै पनि राष्ट्रियता सवालमा प्रगतिशिल एजेन्डाको सवालमा, सामाजिक रुपान्तरणको सवालमा र अर्कोतिर संविधान निर्माण गर्दा हामी कांग्रेस र एमालेबीचमा नेतृत्वसम्बन्धी सहयोगमा जो सहमति भाएको थियो कांग्रस पछि हटेपछि हामीले ईमान्दारीपूर्वक सहयोग गरेका हौँ । अब एमालेले के गर्छ ? सधै माआवादीले सहयोग गर्ने होकी माओवादीलाई पनि गर्छ ? हेरिराखेका छौँ ।

  • माओवादी केन्द्रले अब के गर्छ ?

सामान्यतया अहिले पनि छलफलमै छौं । बजेट पास हुनेवित्तिकै हामी यसलाई घनिभूत रुपले तार्किक निष्कर्षमा पुर्‍याउँछौँँ । अहिले बजेट पास मुख्य एजेन्डा हो । त्यसपछि मुख्य एजेन्डा सहमतिय सरकार निर्माण हुनेछ ।

  • वर्तमान सरकार अब कति टिक्छ या औपचारिक तहदेखिको कहिले देखि निर्णय सुरु हुन्छ ?

यसैदिन भनेर कुनै तिथी मिती तोकेर निर्णय जारी गरेका छैनौँ ।

  • बुँदागत रुपमा भन्दिनुहोस् एमालेले तपाईंहरुलाई कसरी धोका दियो ?

यो विषयमा अलग चर्चा गरौँला । खासमा बजेट प्रस्तुतीमा गठबन्धनलाई उपेक्षा गरियो । बजेटमा प्रादेशिक सन्तुलन र त्यसैगरि क्षेत्रीय सन्तुलन भएन । बजेटमा शहिद बेपत्ता परिवारदेखि घाईते अपाङ्गता भएकालाई राहत दिइएन । राजनीतिक, संवैधानिक नियुक्तीहरुमा योग्य मान्छेहरुलाई पाखा लगाइयो । यसमा गठबन्धनका भाव भन्दा सबैमा एमालेकरण गरियो । हाम्रा मन्त्रीहरुका मातहतका मन्त्रालयमा नियुक्ती गर्दा कित एमालेको मान्छे हुनुपर्ने वा ढिलाई गर्दिने वा कामै गर्न नदिने वातावरण बनेको छ ।

हिजो एमाले कांग्रेस नेतृत्वमा सरकारमा हुँदा कमजोरी जति नेतृत्वलाई थोपर्ने, राम्रा कामको जस लिने । आज आफै नेतृत्वमा रहँदा कमजोरी चाहीँ हाम्रा मन्त्री र हाम्रा पार्टी तिर देखाइएको छ । यस्तो चलाखीले राजनीति चल्दैन ।

  • यसमा माओवादी मन्त्रीका कमजोरी पनि छन् नी ?

मान्छेहरुमा कमजोरी हुन्छन् । सिमा हुन्छ । तर सिमा कुन हदसम्मको छ ? भन्ने हो । मन्त्रीबाट निकाल्ने, फिर्ता बोलाउने, मन्त्री चलाउन नसक्ने हदसम्म छ छ भने मात्रै हो ।

  • आफ्नै मन्त्रीको समिक्षा गर्नुपर्दा कसरी गर्नुहुन्छ ?

त्यो हामी अलग गर्छौं । यो सरकारमा नौ महिना बस्यौं । मन्त्रीहरुको समिक्षा पार्टीले गर्ला । जनताले पनि गर्नुपर्छ । मन्त्री भन्ने पद पार्टीको मात्र होईन देशकै हो ।

  • जनताकै नजरबाट हेर्दा माओवादी मन्त्रीहरुले केही गरे जस्तो देखिँदैन त ?

माओवादीले त्यही कुरो गर्दा आलोचना गर्छन् एमालेका मन्त्रीले त्यो गर्दा गर्दैनन् । किनभने एमालेबाट मान्छेले आस नगर्ने माओवादीबाट आस गरेका हुन्छन् । तर माआवादीको मन्त्रीले जनताको काम नगर्दा मान्छेहरुले निराश हुन्छन् । किनभने, माओवादीबाट अपेक्षा धेरै छ तर, काम एभरेज हुँदा मान्छेहरु निराश हुन्छन् ।
कमरेड प्रचण्डको एकलाखको पलङको चर्चा भयो । दिवंगत सुशील कोईराला प्रधानमन्त्री हुँदा करोडौको फर्निसिङ भयो यो कुरा बालुवाटारमा सबैलाई थाहा छ । तर, कसैले चर्चासम्म गरेन । त्यस्तै अहिले केपि ओली प्रधानमन्धत्री भैसक्दा धेरै चिजहरु परिवर्तन भएको छ । किनकी, कांग्रेस प्रधानमन्त्री, मन्त्रीले गर्छन, गर्दैआएका छन् भनेर मान्छेले स्वभाविक मान्छन् । प्रचण्डले गर्नहुन्थेन यो कोणबाट कुरा उठ्नु स्वभाविक हो ।
हामी माओवादीहरुले आफैलाई जनताको अपेक्षासँग जोड्ने हो । हामी कांग्रेस मन्त्रीजस्तो, एमाले मन्त्री जस्तो होइनौ है । एभरेजमा नयाँपनले हेर्नुपर्छ ।

  • नयाँपन भन्दैगर्दा माओवादीमा ‘दाग’ लागेको त हो नी ?

एकतापछि बनेको माओवादी सांगठीक संरचना हेर्दा, उल्टो पिरामिड जस्तो देखिन्छ । माथि भद्दा तलतिरको संगठन कमजोर जस्तो लाग्दैन तपाईंलाई ?
यो आयोजक कमिटी हो । दशवटा पार्टी घटकहरु वा नेतृत्वको एकता हो । जो जहाँ थियो यसलाई मिलाउँदा यस्तो भएको हो । १० घटकको २–२ सय केन्द्रिय समितीमा ल्याउँदा पनि २००० पुग्छ । यसलाई अन्यथा मानेका छैनौँ । डेढ सयदेखि दुईसय सम्म सबैका थिए । यो सिंगो पार्टी बनेपछि डेढ दुईसयमा आउँछ । (हाँसो…) ।


दाग सापेक्षित हुन्छ । जनयुद्धकालमा पनि सेतोमात्रै थिएन । भित्रका कमीहरु थिए । नगर्नु भनेको काम गरिन्थ्यो । गर्नु भनेको काम गरिँदैनथ्यो । पार्टीगत नीति नाघिन्थ्यो । विभिन्न क्षेत्रहरुमा त्यस्तै प्रकारको दाग हुन्थ्योहोला । आज अर्को कोर्सको प्रयोगमा छौँँ । राजनीतिमा नयाँ ठाउँमा छौँँ । यसका पनि नयाँ सिमाहरु छन् । किनभने, माओवादी पनि मान्छे हो । यही समाजकै उत्पादन हो । फरक ढंगले सोच्ने, आमुल परिवर्तनबाट सोच्ने, तीब्र गतिबाट समाजको रुपान्तरण गर्ने सोच्ने माओवादी हो । सामान्य समाज आफैँ पनि रुपान्तरण हुन्छ । समाजकै गतिसँगै हिड्ने यथास्थितीवादी हो । अलिकति छिटो गर्ने प्रगतिशिल, अलि तिव्र गर्ने क्रान्तिकारी हो । ठीकै गरौं भन्दा दाग जस्तो देखिन्छ ।

जनताले नै बुझेको हुन्छ । शतप्रतिशत शुद्ध कोही पनि हुँदैन, शत प्रतिशत क्रान्तिकारी भैराख्ने हुँदैन ।

  • एकतापछि बनेको माओवादी सांगठीक संरचना हेर्दा, उल्टो पिरामिड जस्तो देखिन्छ । माथि भद्दा तलतिरको संगठन कमजोर जस्तो लाग्दैन तपाईंलाई ?

यो आयोजक कमिटी हो । दशवटा पार्टी घटकहरु वा नेतृत्वको एकता हो । जो जहाँ थियो यसलाई मिलाउँदा यस्तो भएको हो । १० घटकको २–२ सय केन्द्रिय समितीमा ल्याउँदा पनि २००० पुग्छ । यसलाई अन्यथा मानेका छैनौँ । डेढ सयदेखि दुईसय सम्म सबैका थिए । यो सिंगो पार्टी बनेपछि डेढ दुईसयमा आउँछ । (हाँसो…) ।

यसलाई पौष २३ गतेदेखि हुने महाधिवेशनमा हाम्रै नेतृत्वमा १९९ लिएर आउछौँँ ।

हामी सम्मेलनहरु मर्फत हामी समिति बनाउँछौँ । सबै कमिटी निर्वाचित हुन्छन् । सधै यस्तो बनायो भने त गाईजात्रा हुन्छ, पार्टी नै रहेन नी । अहिले चाहीँे विशिष्ट अवस्था हो ।

  • अबको माओवादीको सांगठनीक संरचना कस्तो हुन्छ ?

जन पार्टी नै हो तर जनआधारित कार्यकर्ता पार्टी हुन्छन् । एउटा सानो हिस्साका कार्यकर्ताहरु चाहीँ प्रोफेस्नल संगठनलाई पुरै समय दिने हुन्छन् । पुरै हिस्सा पार्टी सदस्य उत्पादनमा जोडिने । उत्पादन र सामाजिक, राजनीतिक आन्दोलनमा जोडिएका कार्यकर्ता ठूलो पंक्ति रहन्छ । एउटा सानो पंक्ति पुर्णकालीन रहन्छ । जनआधारित पार्टी रहन्छ । त्यो लेनिनले भने जस्तो पनि हुँदैन । माओले भने जस्तो पनि हुँदैन । जनयुद्ध बनाएको जस्तो मात्रै हुँदैन । अब अहिलेको प्रतिस्पर्धामा जित्न सक्ने भोटमा पनि जित्ने पार्टी त्यसै क्रान्तिलाई पनि निरन्तरता गर्न सक्ने पार्टी हुन्छ ।

  • माओवादी संगठन निर्माणको लागि प्रतिबेदन पेस गर्नुभएको प्रतिवेदनको विषयमा के हुँदैछ ?

केन्द्रीय कार्यालयले स्विकार गरेको छ । पोलीटब्युरोले सैद्धान्तीक रुपमा स्विकार गरेको छ । भदौमा आयोजना हुने केन्द्रिय आयोजक समितीमा प्रस्तुत गर्छौं । त्यहाँबाट आवश्यक परिमार्जनपछि पास भएपछि लागु गर्छौं ।

Notes Nepal

प्रतिकृया लेख्नुहोस्:

सम्बन्धित

‘लोडसेडिङ देखाएर करोडौं कमाउने कर्मचारी को–को थिए ? Exlusive खुलासा… 

Thursday, 12 January 2017

काठमाडौं, २८ पुस । वर्षौंदेखि नेपाली जनता लोडसेडिङ झेल्दै आएका थिए । तर, यसवर्ष सरकार परिवर्तन भएसँगै काठमाडौं पोखरा सहितका ...

मिरा राई भन्छिन्,–‘मलाई जिताउँन अभियान चलाउँनेहरु देखेर खुसीको आँशु झर्छ’

Sunday, 20 November 2016

विश्व चर्चित टेलिभिजन नेशनल जियोग्राफीले वर्षैपिच्छे प्रदान गर्दै आएको विश्वभरिका साहासिक उत्कृष्ट १० व्यक्तिको २०१६ सूचीमा परेकी मीरा राई नेपालीहरूकाे ...

‘एमाले नामको ‘स्लो पोईजन’ दिएर कुठाराघात गरियो’

Saturday, 23 July 2016

योगेन्द्र घिसिङ माओवादी केन्द्रका सांसद हुन् । तत्कालीन डा. बाबुराम भट्टराई सभापति रहेको संवैधानिक राजनीतिक संवाद तथा सहमति समितिमा रहँदा ...

राजतन्त्र पुनरागमनको विषयमा सर्वसाधरणलाई सोध्नुपर्छ : ज्ञानेन्द्र शाहा

Saturday, 9 July 2016

पूर्वराजा ज्ञानेन्द्र शाहा त्यति साह्रै सञ्चार माध्यममा आउँदैनन् । तर, उनको ७० औं जन्मदिनको उपलक्षमा एक चर्चित आरजे सविना कार्कीले ...

‘दुई/तीन मिनेटमा राजा विरेन्द्रको परिवार सिद्धिसकेको थियो’

Wednesday, 1 June 2016

सत्य छानबिन भए ज्ञानेन्द्र चोखिने मौका पाउँथे । दीपेन्द्रको कोठामा ५ /७ वटा राईफलहरु हुन्थ्यो । उहाँको मोटरमा पनि हतियार ...

‘हामीसँग मात्रै होइन वर्षमान, जर्नादन र बलदेव जीहरुसँग समेत हतियार छ ’

Monday, 30 May 2016

विप्लव नेतृत्वको नेकपा माओवादीका केन्द्रीय सदस्य मोहन कार्की ‘जिवन्त’ सशस्त्र द्वन्दकालमा चर्चित नाम हो । वि.स. २०१६ सालमा धादिङको निलकण्ठ ...

‘प्रचण्डले समर्थन फिर्ता लिएपनि सरकार ढल्ने थिएन’

Saturday, 14 May 2016

एमाले नेता तथा पूर्व सामान्य प्रशासन मन्त्री लालबाबु पण्डित कुनै समय निकै चर्चा थिए । सामान्य प्रशासन मन्त्री रहँदा डिभि ...

देउवाले दिल्लीसँग के–के मागेका थिए ? पढ्नुहोस् भारतीय टिभीलाई देउवाले दिएको अन्तर्वार्ता (भिडियोसहित)

Wednesday, 11 May 2016

काठमाडौं, २९ वैशाख । तराईसँग काठमाडौंलाई जोड्ने फास्टट्र्याक निर्माण कार्यको विरोधमा रहेका कांग्रेस सभापति शेरबहादुर देउवाले भारतीय टेलिभिजनलाई दिएको अन्तर्वार्ताबारे ...

नाका खुलेको तीन महिना भयो, ग्यास पाइएन भनेर मलाई गाली गर्ने कि सरकारलाई ?

Thursday, 21 April 2016

राजेन्द्र महतो अध्यक्ष, सद्भावना पार्टी मधेसी मोर्चासहितको संघीय गठबन्धन पुनः आन्दोलन गर्ने निष्कर्षमा पुगेको छ । नयाँ संविधानले विगतका आन्दोलनबाट ...

vionet
NEA MESSAGE
Advertise with us

लोकप्रिय

मनोरञ्जन

Top