धुर्त खड्क प्रसादको सत्ता टिकाउने खेल, ‘संविधानको चोर प्वालको खोजी’

केपी ओली नेतृत्वको सरकारबाट नेकपा (माओवादी) केन्द्र बाहिरिएपछि नेपाली राजनीतिमा हलचल पैदा भएको छ । सरकारबाट बाहिरिएसँगै माओवादी केन्द्र र नेपाली कांग्रेस सहितका ठूला दलहरुले सरकार विरुद्ध अविश्वास प्रस्ताव दर्ता गरेसँगै प्रधानमन्त्री केपी ओली र उनको गुटका नेताहरु घाईते बाघ जस्तो बन्न पुगेका छन् ।

संसदमा अल्पमतमा परेपछि संसदीय परम्परा अनुसार आफ्नो पदबाट राजिनामा दिएर नयाँ सरकार गठनका लागि मार्ग प्रशस्त गरी राजनीतिक नैतिकता प्रदर्शन गर्नुपर्नेमा प्रधानमन्त्री ओलीले पार्टी निकट कानुन व्यवसायी र आफ्ना गुटका नेताहरुको सल्लाहा अनुसार आफूले राजिनामा नदिने र संसदमा अविश्वासको प्रस्ताव सामना गर्ने निर्णयमा पुगेको सार्वजनिक गरे ।

krishna bdr kc

सत्ताका शक्तिलाई राम्ररी बुझेका ओलीले केही दिन भएपनि सत्ता लम्ब्याउने र आफ्नो नीजि स्वार्थ पुरा गर्न यो बाटो अबलम्बन गरेको देखिन्छ । यदि त्यसो नहुँदो हो त, संसदमा अल्पमतमा परेका काम चलाउ प्रधानमन्त्रीले मुलुकलाई दुर्गामी असर पर्ने प्रकारले करोडौं रुपैयाँ बाड्ने र आफ्ना आसेपासेहरुलाई राजनीतिक नियुक्ती गर्ने थिएनन् होला । संसदीय लोकतन्त्रमा न्युनतम नैतिकता भएको नेताबाट यसप्रकारका गैरजिम्मेवार र गैरकानुनी कार्यको कल्पना गर्न सकिँदैन । राज्य प्रमुखबाटै लोकतान्त्रिक मान्यता र कानुनी राज्यको उपहास हुनु खेद जनक कुरा हो ।

माओवादीसँग भएको भद्र सहमति अनुसार बजेट पारित भइसकेपछि सरकारको नेतृत्व माओवादी केन्द्रका अध्यक्ष कमरेड प्रचण्डलाई हस्तान्तरण गरेर वाम गठबन्धन सरकारलाई निरन्तरता दिने थियो । उक्त सर्तलाई माओवादीले अक्षरस पालना गर्दै आफूसँग भएको सहमति विपरित आएको बजेटलाई समेत पारित गर्न सहयोग ग¥यो । जुन बजेटमा माओवादीले लिएका मन्त्रालयहरुको बजेट कटौती गरिएको थियो । कृषी मन्त्रालयले आम किसानलाई पेन्सन दिने व्यवस्था गर्न सिफारिस गरेकोमा बजेट विनियोजन गर्न अस्विकार गरेको थियो । यी सबै कुरालाई माओवादीले पचाएर एमालेसँगको सहकार्य र सहमतिको भावना अनुसार अगाडी बढेको थियो । तर, यो सहमतिलाई प्रधानमन्त्री ओलीले अवज्ञा मात्रै गरेनन् उक्त सहमति नभएको समेत सार्वजनिक गरे ।

ओलीको सत्तामोहको यो झूट अभिव्यक्तिलाई एमालेकै शिर्ष नेताहरु वामदेव गौतम, माधव नेपाल, झलनाथ खनाल लगायतका नेताहरुले खण्डन गर्दै प्रचण्डलाई प्रधानमन्त्री बनाउने सहमति भएको र त्यो सहमतिलाई लागु गर्नुपर्ने तथ्य सार्वजनिक गरे । माओवादीसँगको सहमति लागु गर्न पार्टी भित्र आएको दवावलाई बेवास्ता गर्दै ओलीले सरकारको प्रमुख सहयात्री दल माओवादी केन्द्रसँग असहिष्णु व्यबहार प्रदर्शन गर्न थाले । जसकारण माओवादीका अध्यक्ष प्रचण्ड सरकारबाट बाहिरिन बाध्य भए । बजेट पारित भएपछि सरकारको नेतृत्वको कमरेड प्रचण्डलाई छाड्ने सहमति गरेर कथित लोकप्रीय बजेट पारित गर्न सफल ओलीले खोलो त¥यो लौरो विस्र्यो भने जस्तोगरी माओवादीको ईमान्दारीतासँग खेलवाड गर्न थाले ।

उनले आफ्नै पार्टीका शिर्ष नेतासहित माओवादीसँग गरेको सहमति नभएको भन्दै माओवादीसहित आफ्नै पार्टीका शिर्ष नेता लगायत देश दुनियाँलाई ‘उल्लु’ बनाए । ओलीको यही बेइमानी र धुर्तपूर्ण व्यबहारका कारण माओवादी सरकारमा बसिरहन अनैतिक हुने ठहर गर्दै सरकारबाट बाहिरिन बाध्य भयो । जसकारण ओली सरकार धरापमा प¥यो । विगतमा नेपाली कांग्रेसका नेता सुशील कोईरालाले सहमति लागु नगरे आफै प्रधानमन्त्रीको उम्मेदवार बन्दा यीनै ओलीले ‘विदेशीको ईसारामा सुशील कोईरालाले सहमति उलंघन’ गरेको आरोप लगाउँथे । तर, यीनै ओलीले अहिले कसको इशारामा माओवादीसँगको सहमति उलंघन गरे ? उनले सहमतिको उलंघनसँगै माओवादीलाई भन्दा कांग्रेसलाई सत्ता हस्तान्तरण गर्ने भन्दै कांग्रेस सभापति देउवा र नेता रामचन्द्र पौडेललाई प्रधानमन्त्रीको अफर गरे ।

ओलीकै व्यबहारका कारण माओवादी झनै विच्कियो र ओली सरकार संकटमा फस्यो । आफ्नै व्यवहारका कारण सहयात्री दल बाहिरिएपछि ओलीले भारतीय डिजाईन आफूलाई हटाउन लागेको आरोप लगाउँदै आफ्नो कमजोरी ढाकछोप गर्दैछन् । अविश्वासको प्रस्ताव फेस गर्ने नाममा ओलीले संसद मार्फत आफू राष्ट्रवादी भएकै कारण हट्नु परेको सन्देश प्रवाह गरी नेपाली जनताको राष्ट्रवादी भावनामा खेल्न खोज्दैछन् । यति सामान्य कुराका लागि ओली यो नाटक गर्नुपर्ने थिएन ।

देशवासीको नाममा सम्बोधन गर्दै राजिनामा दिएर पनि उनले यो कुरा गर्न सक्थे । तर, ओलीले ‘मर्न परे खुट्टै तन्काएर मर्ने’ नेपाली उखानलाई चरितार्थ गर्न खोज्दैछन् ।

ओली ईतिहासले सुम्पेको जिम्मेवारी पुरा गर्नबाट चुके । उनले सहयात्री दल माओवादी केन्द्रसँग गरेको सहमति लागु गर्न तयार भएको भए उनको नेतृत्वको सरकारले गरेका उल्लेखनीय कामहरुले निरन्तरता पाउँथ्यो ।

माओवादी र एमाले जस्ता ठूला कम्युनीष्ट पार्टीबीचको सहकार्य निर्वाचनसम्म जानसक्थ्यो जसले नेपालको ठूलो वाम शक्तिलाई उत्साहित बनाउन सक्थ्यो । यो अवसर ओलीकै कारणले गुमेको छ । यो यथार्थ एमालेको स्थायी समितिको बैठकमा समेत मुखरित भयो ।

उक्त बैठकमा अधिकांश एमाले स्थायी समिति सदस्यहरुले ओली प्रवृतिको कारण माओवादी एमालेको सम्बन्धको भविष्य धरापमा परेकोमा आलोचना गरेका थिए । तर, ओली यो कुरालाई अस्विकार गर्दै आफ्ना गुटका युवाहरुलाई सडकमा पठाएर कथित राष्ट्रवादको तमासा देखाउँदै छन् ।

पुरानो संसदीय व्यवस्थाका चतुर खेलाडी ओली गणतन्त्रका सहितको लोकतान्त्रिक व्यवस्थामा समेत हिजोकै विकृत संसदीय खेलको पुनारावृति गर्न कस्सिएका छन् । उनले सरकारको आयु लम्ब्याउन विविध खाले धुत्र्याइँ र हत्कण्डाहरु अपनाइ रहेका छन् । अविश्वासको प्रस्ताव पास भएपनि नयाँ सरकार गठन गर्नलाई संवैधानीक व्यवस्था नभएको दाबी गर्दै ओलीले दुनियाँलाई बेकुफ बनाउन खोज्दैछन् । यीनै ओली भनाई मान्ने हो भने सुशील कोईराला पछि संविधानको कुन धारा अनुसार केपी ओली प्रधानमन्त्री भए ? संविधानको कुन धारा अन्तर्गत शेरबहादुर र रामचन्द्रलाई प्रधानमन्त्रीको अफर गरे ? यसबाट प्रष्ट हुन्छ की ओली कति निर्लज्ज र धुर्त व्यक्ति छन् भन्ने कुरो ।

संसदमा आफू अल्पमतमा परेपछि पनि सत्ता मोहका कारण ओलीले संविधानका कमजोर पक्ष खोज्दै हिँडेका छन् । संविधानमा कहाँ निर प्वाल भेटिन्छ र त्यहाँबाट छिर्न सकिन्छ भन्ने छिड्के दाउमा ओली र उनका झूण्डहरु लागेका छन् । जसरी हुन्छ सत्तामा टिकिरहने ओली नियतका कारण वर्तमान संविधान र लोकतान्त्रिक व्यवस्था प्रति नै आम मान्छेको वितृष्ण पैदा हुने खतरा देखिँदैछ । पुरानो संसदीय कालको विकृत भद्दा संस्कृतिलाई ओलीले जबरजस्त स्थापित गर्न खोज्दैछन् ।

उनीसँग थोरै मात्र लोकतान्त्रिक चरित्र हुन्थ्यो भने, संसद र सहयात्री दलहरुको विश्वास गुमाइसकेपछि पदबाट राजिनामा दिन्थे । त्यसका लागि उनी धेरै टाढा बेलायतको डेविड क्यामरुनबाट होईनकी गणतन्त्र नेपालका पहिला प्रधानमन्त्री पुष्पकमल दाहाल ‘प्रचण्ड’बाट पनि सिक्नुपथ्र्यो । अध्यक्ष प्रचण्ड जसले सेनापति प्रकरणमा आफूसँग बहुमत हुँदाहुँदै पनि नैतिकताका आधारमा प्रधानमन्त्रीको पदबाट राजिनामा दिएका थिए ।

नेपाली राजनीतिमा नैतिकताको मुल्य मान्यतालाई स्थापित गर्न कोशिस गरेका कमरेड प्रचण्ड ईतिहासमा दोस्रो पटक प्रधानमन्त्री हुँदैछन् । नेपालको संसदीय फोहरी राजनीतिलाई सफा गर्नको लागि प्रचण्डका अगाडी केही गम्भिर चुनौतीहरु पनि खडा भएका छन् ।
संविधानसभाबाट संविधान जारी गर्न विशेष भूमिका र अगुवाई गरेका प्रचण्ड त्यही संविधानलाई लागु गर्ने सवालमा देखापरेका चुनौतीहरुको सामना गर्दै मुुलुकलाई अग्रगति प्रदान गर्नका लागि देशको सवैभन्दा ठूलो दल नेपाली कांग्रेससँग सहकार्य गरी अगाडी बढ्दैछन् ।

ठूलो त्याग तपस्या र बलिदानबाट प्राप्त नयाँ संविधानलाई कार्यान्वयन गर्ने र संघीयतालाई संस्थागत गर्ने, संविधानसँग असन्तुष्ट पक्ष मधेसी जनजाति थारु लगायतका मागहरुलाई संवोधन गर्ने, भूकम्प पीडितलाई तत्काल राहत पु¥याउने विस्तृत शान्ति सम्झौताका एकमात्र हस्ताक्षर कर्ताका हैसियतले शान्ति प्रक्रियाका बाँकी कार्यभारहरुलाई पुरा गर्दै संविधानले निर्दिष्ठ गरे बमोजिम स्थानीय प्रदेश र संघको निर्वाचन गर्ने जिम्मेवारीलाई कुशलता पूर्वक सम्पन्न गर्नु प्रचण्ड नेतृत्वको सरकारका प्रमुख कार्यभार हुनेछ । त्यसका लागि मधेसी मोर्चालाई साथमा लिएर अगाडी बढ्नु अर्को चुनौती हुनेछ ।

यद्धपी मधेसी मोर्चाले कांग्रेस माओवादी गठबन्धनलाई सहयोग गर्ने ग्रिन सिग्नल दिएका छन् । तथापी, प्रचण्डको आगामी बाटो त्यति सहज भने छैन । कांग्रेस र माओवादी गठबन्धनका कारण सत्ताच्युतको पीडा भोगेको एमालेले मुलुकका भावी समस्या समाधान गर्न रचनात्मक प्रतिपक्षको भूमिका खेल्नेछ भन्ने कुरामा आशंका छ । मधेसी, जनजाती र थारुहरुको माग संबोधन गर्न संविधान संशोधन गर्नुपर्ने हुन्छ, यस्तो अवस्थामा संसदको दुई तिहाई बहुमत चाहिने हुँदा एमालेको सहयोग अनिवार्य छ ।

Prime Minister of Nepal KP Sharma Oli addressing the nation at the PM residence in Balwatar, Kathmandu on Sunday November 15, 2015. PM Oli urges agitators to end protests, assures statute amendment, asks India to lift blockade to ease humanitarian crisis. Oli said the government has now realised it was Nepal’s weakness to depend on India only for supplies of essentials. Photo/Skanda Gautam
Photo/Skanda Gautam

स्वयमं कांग्रेस–माओवादी दुई भिन्न विचार र वर्गका प्रतिनिधी संस्था हुन् । युद्धकालमा यी दुई पार्टीबीच आमने सामने भिडन्त भएको थियो । यसका बाबजुत पनि नेपालको शान्ति प्रक्रिया यीनै दुई पार्टीका सम्झौताबाट शुभारम्भ हुँदै यहाँसम्म आइपुगेको हो । यी दुई पार्टी ठाउँमा हुँदा मुलुकको राजनीतिक गतिरोधले गति लिने र भिन्न ठाउँमा उभिँदा राजनीतिक गतिरोध उत्पन्न हुने गरेको छ । अहिले संविधान कार्यान्वयनको सवालमा देखा परेको गतिरोध अन्त्यको लागि पनि यी दुई पार्टीहरु एक ठाउँमा उभिएर एतिहासिक दायीत्व र जिम्मेवारी पुरा गर्ने प्रतिबद्धता जनाएका छन् । तर, चुनौतीका भिमकाय पहाडहरु पनि खडा छन् ।

ती चुनौतीको सामना गर्दै ईतिहासले सुम्पेको जिम्मेवारी कुशलता पुर्वक बहन गर्ने दायीत्व प्रचण्डको काँधमा आएको छ । त्यसका लागि उनले वर्तमान गतिरोध अन्त्यको लागि एमालेसँगको सहयात्रा त्याग्ने ऐतिहासिक निर्णय गरे । यदी निर्णय नगरेर कथित वाम एकताको नाममा एमालेसँगको सहयात्रा कायम राखेको भए मुलुक यथास्थितीमै रहने थियो । र, सरकारमै रहँदा पनि विभिन्न षड्यन्त्र र बहानामा माओवादीलाई एकएक गाँस गरेर निल्ने नीति ओली समुहले लिएको थियो । रुपमा सँगै सारमा सिद्धयाइने ओलीको खतरनाक चक्रब्युबाट प्रचण्डले माओवादी पार्टीलाई मुक्त गरेका छन् ।

लेखक माओवादी केन्द्रका केन्द्रीय सदस्य हुन् ।


Notes Nepal

प्रतिकृया लेख्नुहोस्:

सम्बन्धित

शिक्षा नियमावली बारेको भ्रम चिरौँ

Tuesday, 13 June 2017

शंकर अधिकारी शिक्षा नियमावलीको विषयमा थुप्रै भ्रमहरु विभिन्न मिडियाहरुमा आइरहेको पाइन्छ। यसको आधिकारिक जवाफ सम्बन्धित निकायले स्पष्ट पारेको छैन । ...

रुघा खोकी लाग्दैमा क्लिनिक जानु हुन्छ की हुँदैन ?

Saturday, 18 March 2017

        -कृष्ण चापागाईं   आधुनिक समय विज्ञान-प्रविधि, भौतिक उन्नति र प्रगतिको हो | यही भौतिकतामा रम्न मानिसले आफ्नो भौतिक र ...

के मैले ‘माओवादी’ भएर गल्ति गरेँ ?

Sunday, 4 September 2016

२०६३ सालकाे भाद्र महिना । भर्खरै १५ वर्ष पुरा भएर १६ मा टेकेको थिएँ । कक्षा ९ को प्रथम त्रैमासिक ...

मेसीलाई एक नेपाली ‘फ्यान’को मार्मिक पत्र

Monday, 27 June 2016

प्रिय मेसी, संसारका तिम्रा करोडौं शुभचिन्तकहरु मध्ये म पनि एक हुँ । तिम्रा हरेक गोलहरुमा, तिम्रा हरेक सफलताहरुमा र तिमीले ...

करिश्मामाथि खुलेआम हिंसा गर्नेलाई के हुन्छ ?

Thursday, 16 June 2016

अभिषेक घिमिरे नयाँ शक्तिको औपचारिक उद्घाटनका दिन करिष्मा मानन्धरका विषयमा भएका टिका टिप्पणीका विषयमा मेरो गम्भीर ध्यानाकर्षण भएको छ। केही ...

नयाँ शक्ति किन ?

Thursday, 9 June 2016

ओमप्रकाश विश्वकर्मा मागेर अधिकार पाईँदैन । अधिकारका निम्ती संघर्ष अनिवार्य छ । अझै दलित, जनजाती, महिला, मधेशी र सिमान्तकृत वर्गले ...

मेरा काकालाई मेनपावरले यसरी लुट्यो

Saturday, 30 April 2016

  नारायण सिलवाल वैदेशिक रोजगारीमा जानेहरू ठगिएकोबारे थुप्रै समाचार लेखेँ । केही समयअघि १ लाख १० हजार तिरेर साउदी जान ...

veanet
sangrila Bank

लोकप्रिय

मनोरञ्जन

Top