मोर्चाले हाल्ने संशोधनसहित विधेयक पारित हुन्छ ः अध्यक्ष ठाकुर

काठमाडौं, २१ पुुस । मधेशी मोर्चाका शीर्ष नेता एवम् तराई मधेश पार्टीका अध्यक्ष महन्थ ठाकुरले सरकारले संसदमा संविधान संशोधन प्रस्ताव टेबुल गरेपछि मोर्चाले त्यसमा संशोधन हाल्ने र उक्त प्रस्ताव पारित हुने बताएका छन्।
बिहीबार रिपोर्टर्स क्लब नेपालले बुझाएको ज्ञापनपत्र बुझ्दै अध्यक्ष ठाकुरले भने, ‘आगामी २४ गते बस्ने संसद बैठकमा सरकारले संविधान संशोधन प्रस्ताव टेबुल गरोस्, हामी त्यसमाथि संशोधन प्रस्ताव राख्छौं, त्यसपछि संशोधन विद्येयकलाई परिमार्जनसहित पारित गर्नुपर्छ, काँग्रेस, एमाले र माओवादी केन्द्रलेपनि सहयोग गर्नुपर्छ।’
संशोधन विद्येयक टेबुल गराएपछि मोर्चाले त्यसमा संशोधन हाल्ने र उक्त प्रस्तावलाई काँग्रेस, माओवादी केन्द्रले समर्थन गरे प्रस्ताव दुई तिहाईले पारित हुने उनले बताए। अध्यक्ष ठाकुरले संशोधन जसले जारी गरे उनीहरुले नै यो संशोधन त्रुटिपूर्ण छ भनेर स्विकार गरिसकेको उल्लेख गर्दै भने,‘जसले यो संविधान जारी गरे, उनीहरुले नै त्यतिवेला यो त्रुटिपुर्ण छ भनेर बोलेको र यसलाई संशोधन गर्छों भनिसकेका छन्, यो भन्दा पहिलेपनि उनीहरुले दुई वटा विषयमा संशोधन गरिसके, फेरि पनि संशोधन गर्ने जिम्मा उनीहरुकै हो, यो संविधान त्रुटिपुर्ण र विभेदकारी छ।’
अध्यक्ष ठाकुरले संविधानको धारा २७४ ले संविधान संशोधनलाई कुनै हालतमा नरोक्ने दाबी गर्दै भने, ‘अहिलेको व्यवस्थापिका संसद संविधानसभाको रुपान्तरित रुप भएकाले संसदले नै सीमांकन संशोधन गर्नसक्छ।’
ठाकुरले संविधानको धारा २७४ लाई खारेज गर्नुपर्ने बताउँदै भने,‘धारा २७४ संघीय प्रणालीलाई नै रोक लगाउने खालको छ, त्यसैले यसलाई खारेज गर्नुपर्छ, यसले सात प्रदेशको बारेमा बोलेकोले यो धाराको आवश्यक छैन, यसको कुनै औचित्य छैन।’ संक्रमणकालीन अवस्था भएर अहिले धारा २७४ निष्कृय भएको भन्दै उनले प्रदेश सभा गठनपछि यो सक्रिय हुने भएकाले औचित्य नभएको स्पष्ट पारे।
हालै सर्वोच्च अदालतले दिएको आदेशसँग आफूहरुले राखेको मागको सरोकार नभएको समेत ठाकुरले जिकिर गरे। उनले संशोधन विद्येयक पारित गराउनको लागि प्रमुख प्रतिपक्षी दल नेकपा एमालेले पनि सहयोग गर्ने विश्वास व्यक्त गरे।
उनले अघि भने,‘यो संशोधन विद्येयक पारित हुन्छ, यो प्रस्ताव त एमालेका नेताहरुले नै अघि सारेको प्रस्ताव हो, हिजो एमाले अध्यक्ष केपी शर्मा ओलीले नै हस्ताक्षर गरेको प्रस्ताव हो, त्यसैले यो प्रस्तावको विरोध गर्नुको कुनै अर्थ छैन्।’ उनले एमालेको बुद्धि विस्तारै–विस्तारै आउँदै गरेको बताउँदै भने,‘त्यसैले एमालेले पनि सहयोग गर्छ।’
रिपोर्टर्स क्लबको ज्ञापनपत्र बुझ्दै काँग्रेस सभापति शेरबहादुर देउवाले त यो संशोधन विद्येयक बिना परिमार्जन पारित हुने बताएका छन् नि भन्ने पत्रकारको एक प्रश्नमा उनले भने,‘शेरबहादुरजीले को सँग कहाँ कतिखेर बोल्नुभयो, त्यो थाहा भएन, राति भन्नुभयो कि दिउँसो भन्नुभयो, तर हामीसँग एक दर्जनचोटि परिमार्जनसहित प्रस्ताव पारित हुन्छ भन्नुभएको छ।’
उनले स्थानीय तह पूर्नसंरचना आयोगले गरेको पूर्नसंरचनाको कामप्रति असन्तुष्टि पोखे। ठाकुरले भने,‘स्थानीय तहको पूर्नसंरचना गर्दा जनसंख्याको आधारमा गरिनुपर्छ, अहिले तराईमा ५१ प्रतिशत जनसंख्या छ, यो पूर्नसंरचना अनुसार मुस्किलले २५ प्रतिशतमात्रै तराईको प्रतिनिधित्व हुन्छ, त्यसैले पूर्नसंरचना गर्दा जनसंख्यालाई प्राथमिकता दिनुपर्छ।’
उनले मोर्चाका नेताहरुवीच कुनै विवाद नरहेको समेत दाबी गरे। उनले भने,‘हाम्रो विचमा कुनै विमति छैन, परिमार्जनसहित संशोधन विद्येयक पारित हुनुपर्छ भन्ने हामी सबैको धारणा, तपाईहरु कुन चस्माले हेर्नुहुन्छ थाहा भएन, तर हामी एक छौं।’

Notes Nepal

प्रतिकृया लेख्नुहोस्:

सम्बन्धित

पाँच वर्षीय बालिकाको वलात्कार,४६ वर्षीय अभियुक्त प्रहरी खोरमा

Sunday, 23 July 2017

लमजुङ, ७ साउन । नाबालिकालाई जबरजस्ती करणी गर्ने एकजनालाई प्रहरीले शुक्रबार पक्राउ गरेको छ । पाँच वर्षीया बालिकालाई जबरजस्ती करणी ...

काठमाण्डौँको खाल्डाखुल्डि चाँडैनै पुरीन्छ,सोँचे अनुसार काम छिटो हुन सकेको छैन:मन्त्रि शाह

Saturday, 22 July 2017

काठमाडौं, ७ साउन । सहरी विकास मन्त्री प्रभु साहले संविधान संशोधन प्रस्ताव पारित भएपनि वा नभएपनि राजपा निर्वाचनमा सहभागी हुनुपर्ने ...

भरतपुर महानगरको कार्यालय घेराउ, यस्तो छ कारण …!

Friday, 21 July 2017

६ साउन, काठमाडौं । चितवन जिल्लास्थित भरतपुरका तरकारी व्यापारीले भरतपुर महानगरपालिका कार्यालय विहिबारदेखि घेराउ गरेका छन् । नेपाल फलफूल तथा ...

प्रेम गरेको आरोपमा छोरीलाई निर्घात कुटने बाबु प्रहरी खोरमा, इन्सपेक्टरमाथि कारबाही

Friday, 21 July 2017

काठमाडौं । प्रेम गरेको भन्दै आफ्नै छोरीलाई निर्घात कुटपीट गर्ने रुपन्देही सम्मरीमाई ५ का इन्दल यादवलाई प्रहरीले पक्राउ गरेको छ ...

तिनदलिय सिन्डिकेटले नेपाल भड्खालोमा जाकिंदै छ:शिव सेना अध्यक्ष बम

Thursday, 20 July 2017

काठमाडौं, ५ साउन । राष्ट्रिय शिवसेना पार्टीका अध्यक्ष विक्रम बमले नयाँ गणतान्त्रिक संविधानलाई विखण्डनकारीको संज्ञा दिएका छन् । बिहीबार राजधानीमा ...

भारततर्फ लैजादै गरेको ३० केजी चरेस सहित ७ जना नेपाली र भारतीय पक्राउ

Wednesday, 19 July 2017

मकवानपुर, ४ असार । मकवानपुर जिल्लाको हेटौडा उपमहानगरपालिका १० बाट करीव ३० केजी चरेशसहित ७ जनालाई पक्राउ गरेको छ । ...

चरम विवादबीच राप्रपा केन्द्रीय कार्यसमितिको वैठक शुरु

Wednesday, 19 July 2017

काठमाडौं, ४ साउन । संविधान संशोधन, सरकारमा सहभागितालगायत विषयमा निर्णय लिन राष्ट्रिय प्रजातन्त्र पार्टीको केन्द्रीय कार्यसमितिको बैठक बिहीबारदेखि सुरु भएको ...

आजै थपिने भए १८ मन्त्री ! कसलाई कुन मन्त्रालय ? यस्तो छ मन्त्री हुनेको नामावली

Wednesday, 19 July 2017

काठमाडौं । सत्तारुढ दल नेपाली कांग्रेस र नेकपा माओवादी केन्द्रबीच सहमति पश्चात संभवत दोस्रो चरणको मन्त्रिपरिषद विस्तार आजै हुँने संभावना ...

रोल्पाको थवाङमा गर्भवति महिला र शिशुको ज्यान खतरामा ! गृहमन्त्रीद्वारा हेलिकोप्टरबाट उद्दार गर्न निर्देशन

Tuesday, 18 July 2017

मानसिंह बिक रोल्पा ।   रोल्पाको थबाङमा एक गर्भवती महिला र शिशुको जीवन नै उच्च जोखिममा परेको छ । प्रसुतीका ...

veanet

लोकप्रिय

मनोरञ्जन

Top