‘लोडसेडिङ देखाएर करोडौं कमाउने कर्मचारी को–को थिए ? Exlusive खुलासा… 

काठमाडौं, २८ पुस । वर्षौंदेखि नेपाली जनता लोडसेडिङ झेल्दै आएका थिए । तर, यसवर्ष सरकार परिवर्तन भएसँगै काठमाडौं पोखरा सहितका केही जिल्लाहरुमा लोडसेडिङ मुक्त भएको छ । यसरी बर्षौंदेखि नेपाली जनतालाई अध्याँरोमा राख्नको लागि नेपाल विद्युत प्राधिकरणका कर्मचारी, यहाँको व्यवस्थापन र तत्कालिन राजनीतिक नेतृत्वको प्रमुख भूमिका रहेको पाइएको छ । ‘लोडसेडिङ गराउन यहाँको कर्मचारी संगठनको समेत भूमिका छ,’ नेपाल विद्युत प्राधिकरणका कर्मचारी तथा नेपाल राष्ट्रिय कर्मचारी संगठनका अध्यक्ष खगेन्द्र शाही भन्छन्,‘सोलार, जेनेरेटकर, डिजेल व्यापारीहरुको साँठगाठ रहेको छ ।’ दियोपोस्टसँगको अन्तर्वार्ताको क्रममा लोडसेडिङ गराउन भूमिका खेल्नेहरुको नामावली सहित खुलाशा गरेका छन् । प्रस्तुत छ शाहीसँग गरिएको कुराकानीको सम्पादित अंश :

विद्युत प्राधिकरण वा अन्य निकायमा रहेका कर्मचारी संगठनहरुलाई ‘साँढेहरु’को रुपमा चितृत गर्न थालिएको छ । के साँच्चै कर्मचारी संगठनहरु त्यस्तै हुन् ?

बहुदलीय व्यवस्था पुर्नस्थापनापछि गठन भएका कर्मचारी संगठनहरु जसरी स्थापित हुनुपर्ने हो त्यो हुन सकेन । उनीहरुको गतिविधि प्रति नेपाली जनता सन्तुष्ट छैनन् । यस्तोमा ट्रेड युनियन भित्रका गलत प्रवृति र कार्यहरु नै जिम्मेवार त छैदैछन् । राजनीतिक शक्तिकै आडभरोसामा राजनीतिक नेतृत्वलाई भ्रष्टाचार तिर उन्मुख गराउने, भ्रष्टाचारको प्वाल देखाउँने र सरुवा तथा बढुवामा आर्थिक चलखेल गर्ने लगायत कारणहरुले गर्दा ट्रेड युनियनहरु बद्नाम भए । कर्मचारीको पनि सेवा गर्न भनेर कर्मचारी संगठन बनेको हो, अर्थात सेवकका पनि सेवक । जनता मालिक हुन् । जनताका सेवक कर्मचारीहरु अरुभन्दा शिष्ट, जिम्मेवार, नम्र, जनसेवा प्रति उत्तरदायी हुनुपर्ने ठाउँमा राजनीतिक आड भरोसामा कर्मचारीमाथि सरुवा बढुवा गर्न सक्ने, नेपाली जनतालाई पनि दुःख दिने गरियो । युनियन भित्र अर्थवाद र अराजकता आयो ।

यसकारण यो आन्दोलन बदनाम भइरहेको छ । यसलाई सुधार गर्न नयाँ पहलको जरुरी छ । सोही अन्तर्गत नेपाल विद्युत प्राधिकरणमा युनियनहरुले जनतालाई अध्याँरोमा राख्न भूमिका निभाए । प्राधिकरणलाई वार्षिक अर्र्बौं घाटामा पुर्‍याइएको छ । प्राधिकरण भित्रको भ्रष्टाचार, अनियमितता, अराजकतामा ट्रेड युनियनको प्रत्यक्ष समलग्नता छ ।

कसरी ट्रेड युनियनहरुले अराजकता फैलाएका छन् ?

यहाँ मन्त्री आउनुहुन्छ । मन्त्री निकटको ट्रेड युनियनले ‘फलाना’ सरुवा गर्नुस् यो मान्छे हाम्रो हो’ भन्ने गरेको छ । र, सरुवा गर्दा आर्थिक चलखेल गर्छ । अनि जब त्यो सरुवा भएको मान्छे वितरण केन्द्रहरुमा जान्छ त्यसले यहाँ बुझाएको पैसा उठाउँन जान्छ । उ प्राधिकरणको सेवा गर्न होइन प्राधिकरणलाई बेच्न जान्छ । त्यो कर्मचारीले अन्यसँग मिलेर मिटरलाई उल्टापाल्टा घुमाउने काम गर्छ । त्यो कर्मचारीलाई कार्बाही गर्न खोज्दा ट्रेड युनियनले यहाँ घेराबन्दी गर्छन् । एमडीले कारबाही गर्न खोज्दा माथि राजनीतिक नेतृत्वबाट प्रोटेक्सन हुन्छ ।

तपाईंले भन्नु भएको ट्रेड युनियन र राजनीतिक नेतृत्वबीचको ‘नेक्सस’ले मुलुकलाई लोडसेडिङ गराएर अध्याँरोमा राख्न कस्तो भूमिका निभायो ?

लोडसेडिङ किन थियो भन्ने कुरा म यहाँ बताउँन चाहान्छु । व्यवस्थापकिय कमजोरीको कारण लोडसेडिङ थिएन । नियतको कारण लोडसेडिङ थियो । हाम्रो लोड डिस्प्याचिङ सेन्टर (एलडिसी) छ । त्यहाँ १० तहको एउटै मान्छे ११ तह हुँदै ११ वर्षसम्म त्यहाँ प्रमुख भएर बस्यो । उहाँको नाम हो भूवन कुमार क्षेत्री । उहाँ कर्मचारी युुनियनसँग नजिक हुनुहुन्छ । उहाँको दाइ नरेन्द्र क्षेत्री अर्घखाँची १ बाट नेकपा एमालेकाे तर्फबाट सांसद नै उठ्नु भएको छ । त्यो भन्दा पहिले शेरसिंह भाट भन्ने हुनुहुन्थ्यो । उहाँपनि कर्मचारी युनियन वा एमाले निकट नै हुनुहुन्थ्यो । २० औं वर्षसम्म एउटै विचारधारा बोकेको मान्छे त्यहाँ राखियो । त्यहाँ उहाँहरुले एकलौटी तरिकाले के के गर्नुभयो ? त्यो तपाईंहरु हामीलाई प्रष्ट छ । नियतले गर्दाखेरी लोडसेडिङ भएको थियो । लोडसेडिङ भनेको आय आर्जन गर्ने असाध्यै राम्रो हतियार बनेको थियो । ‘देशमा लोडसेडिङ छ’, भन्ने सोलारका व्यापारीहरुसँग सम्झौता गर्ने र सोलार किन्न लगाउने, देशमा लोडसेडिङ छ भन्ने, खोलामा बगेको पानीबाट बिजुली ल्याउन छाडेर डिजेल भित्र्याउने । लोडसेडिङ देखाएर जेनेरेटर भित्र्याउने कार्य भयो । यसले व्यापारीक पक्षलाई पनि राम्रो कमाई खाने भाँडो बनेको थियो । राजनीतिक नेतृत्वले पनि त्यस्ता व्यापारीहरुसँग साँठगाठ बढाएका थिए । अर्को कुरा यहाँ प्राधिकरण व्यवस्थापन पक्ष पनि जिम्मेवार छ ।

ट्रेड युनियनको आडभरोसामा बसेका व्यवस्थापनका केही मान्छेहरुले १५६० मेगावटको फरकास्टको पिक डिमान्ड हुन्छ भनेर उहाँहरुले भन्नु भएको थियो पुस महिनाको यतिबेला । हामीसँग ४ सय जेनेरेशन छ, ३८० भारतबाट आएको छ । ठ्याक्कै १२ घण्टा लोडसेडिङ हुन्छ भनेर क्याल्कुलेशन गर्नुभएको थियो । १२ घण्टा लोडसेडिङ हुँदा उहाँहरुको व्यापारीहरुसँग हिसाब किताव हुन्थ्यो र करोडौंको डिजेल पेट्रोल लगायत सोलारको कारोबार बढ्थ्यो । करोडौं रुपैंयाँ लेनदेन हुन्छ भन्ने हामीले सुनेका छौँ । बरु खोलामा पानी स्पिल गर्ने तर नेपाली जनतालाई लोडसेडिङ मुक्त बनाएर उज्यालो दिन उहाँहरु लाग्नु भएन । किन भने लोडसेडिङ नै उहाँहरुको कमाई खाने भाँडो थियो । अग्रिम तालिका दिएर उहाँहरुले कमाउनु हुन्थ्यो । त्यही व्यवस्थापनको जुठो गाएर यहाँका ट्रेड युनियनहरु उनीहरुलाई प्रोटेक्सन गर्न लागिरहेका थिए । यसरी ट्रेड युनियनको पनि लोडसेडिङ गराउनको लागि भूमिका रहेको छ ।

तपाईंहरु यतिका भद्रगोलकाबीच तपाईंहरु कसरी अछूतो रहनुभयो ?

हामी अन्य राजनीतिक कर्मचारी संगठन जस्तो होइनौँ । हामीले कर्मचारी सरुवा बढुवा वा त्यसमा आउने लाभलाई वास्ता गरेनौँ । हामीले जनतालाई लोडसेडिङ मुक्त बनाइदेउ भनेर पटक पटक आवाज उठायौँ । हामी जनताको उज्यालोमा खुसी हुने संगठन हौँ । हामीले एक वर्षअघि पनि हाम्रो घोषणा पत्रमा नै उल्लेख गरेर लोडसेडिङ मुक्त देशको कल्पना गरेका थियौँ । अहिले हाम्रै घोषणा पत्र कार्यान्वयन भएको अवस्था छ । यो देख्दा म आफै पनि खुसी छु । व्यवस्थापन पक्षले सुशासन कायम गरेको भए हाम्रो संगठनको सहयोग हुन्थ्यो ।

कर्मचारी संगठनहरुको मात्रै होइन व्यवस्थापन पक्ष र राजनीतिक नेतृत्वकै समलग्नताबीच कसरी लोडसेडिङ हटाउने अभियानले यो रुप लियो ?

पहिले नियतमा नै खोट थियो । व्यवस्थापन र पहिलेको राजनीतिक नेतृत्व लोडसेडिङलाई भजाएर धमिलो पानीमा माछा मार्दै आउनुभएको थियो । कृतिम लोडसेडिङ देखाएर कमाउने खेलमा लाग्नु भयो । तर, अहिलेको मन्त्री उज्यालो चाहानुहुन्छ । यसको सबैभन्दा ठूलो श्रेय मन्त्रीलाई जान्छ । उहाँले आफ्नो व्यवस्थापन ल्याउनु भयो । कुलमान घिसिङलाई ल्याउनु भयो । एलडिसीको प्रमुख पनि परिवर्तन भएको अवस्था छ । अहिले विष्णु कुमार श्रेष्ठ हुनुहुन्छ । माथी दिमागले नै सहि सोच्यो भने तलको हात पनि सहि तरिकाले चल्न बाध्य हुन्छ । त्यसकारण अहिलेको राजनीतिक नेतृत्व नै सही छ । अहिले घण्टा घण्टामा व्यवस्थापन भइरहेको छ । अहिले पिक लोडमा चार सयको ठाउँमा ६ सय उत्पादन हुन्छन् । पूर्व, मध्ये, पश्चिमको पिक डिमान्ड हुने समय फरक छ । त्यसकारण अहिले सम्भव भएको हो ।

यो सम्भावनालाई तपाईंहरुले यो भन्दा अगाडी किन उठाउनु भएन ?

हाम्रो संगठनले यसभन्दा अघिदेखि आवाज उठाउँदै आएको छ । एक वर्ष अघि मैले फेसबुक एउटा स्ट्याटस पनि लेखेको थिए,‘लोडसेडिङलाई मान्छेहरुले कमाई खाने भाँडो बनाएर बसेका छन् ।’ हामीले पटकपटक यस्तो आवाज उठायौँ । उद्योगहरुलाई दिएको डबल फिडर दिएकोमा हामीले विरोध गरेकै हो । अहिलेको एमडीले हाम्रो संगठनको कुरा सुन्नु भयो । हाम्रा सुझाव मान्नु भयो ।

कुलमान घिसिङ आउँने वित्तिकै जाम खुल्ने प्राधिकरणको व्यवस्थापन कस्तो खालको हो ?

अहिले कुलमान घिसिङलाई आवश्यकता भन्दा बढी हाईलाइट गरिएको छ । यो उहाँकै लागि पनि राम्रो हुँदैन । अहिले एलडिसीको प्रमुख पनि फेरिएको हो । पहिले भूवन कुमार क्षेत्री हुनुहुन्थ्यो, अहिले विष्णु कुमार श्रेष्ठ आउनु भएको छ । अहिले मन्त्रालयको सचिव पनि फेरिनु भएको छ । कुलमान घिसिङ पनि आउनु भएको हो । र मन्त्री आउनु भएको हो । यी सबै भूमिका निभाउने फेरी मन्त्री नै हो । यो मन्त्री र माओवादीले यो जस नलिओस् भनेर सुनियोजित तरिकाले राजनीतिकरण गरिँदैछ । लोडसेडिङ अन्त्य गर्न प्राधिकरणका १२ हजार कर्मचारीको हात छ । आज कुलमान घिसिङलाई एक्लै श्रेय दिँदा १२ हजार कर्मचारी रुष्ट हुन्छन् । मन्त्री र एमडीको बीचमा पनि टसल हुन्छ । माओवादीलाई राजनीतिक फाइदा पनि लिन नदिने योजना भित्र यो नियत लुकेको छ । यो कारण कुलमान घिसिङलाई बढी चर्चामा ल्याईँदैछ । यो कारणले उनका सहयोगी नै विरोधी हुने स्थिति बन्छ ।

यो सम्पूर्ण श्रेय कुलमान घिसिङलाई मात्रै जाँदैन । सबैभन्दा ठूलो हिस्सा भनेको नेपाल सरकार र अहिलेको उर्जा मन्त्रीलाई जानुपर्छ । जनार्दन शर्मा, कुलमान घिसिङ, विष्णु कुमार श्रेष्ठ, नेपाल विद्युत प्राधिकरणका कर्मचारी, असल नियतका सबै समुदायको भूमिकाले लोडसेडिङ मुक्त भएको हो । यसको श्रेय रातारात कुलमान घिसिङलाई मात्रै जाँदैन । कुलमान घिसिङ हिजोपनि ११ औँ तहको मान्छे त्यहीँ हुनुहुन्थ्यो नी, कुलमानको पाइलो पर्ने वित्तिकै वा अनुहार देख्ने वित्तिकै लोडसेडिङ अन्त्य भएको होइन । यो सबै वातावरण मन्त्रीले बनाउनु भएको हो । यो टिमको भूमिका यसमा छ । एउटालाई बढी उचाल्दा अर्को तल झार्ने कार्य ठीक होइन ।

अब निकट भविष्यमा नै प्राधिकरणमा आधिकारिक ट्रेड युनियनका निर्वाचन पनि हुँदैछ । तपाईंहरुका एजेन्डा के के हुन् ?

पहिलो एजेन्डा भनेको मर्यादित ट्रेड युनियनको निर्माण गर्ने हो । ‘ट्रेड युनियन अराजकताको अन्त्य र मर्यादित ट्रेड युनियन हाम्रो प्रण, लोडसेडिङ मुक्त देश सुदृढ विद्युत प्राधिकरण’ भन्ने मूल नारा छ । हामी मर्यादित ट्रेड युनियन बनाउँन चाहान्छौँ । कुनै राजनीतिक पार्टीको झोला बोक्ने होइन । हामी राजनीतिक पार्टीभन्दा फरक ढंगले अगाडी बढ्न खोजी रहेका छौँ । हामी कुनै पार्टीको भातृ संगठन बन्न चाहान्नौँ ।

तपाईंहरु त माओवादी निकट भातृ संगठनमा आवद्ध हुनुहुन्छ नी ?

हामी भातृ संगठन होइनौँ । हाम्रो कुरो माओवादीको मन्त्रीले सुनिदिनु भएको हो । हाम्रो सुझाव सल्लाहा एमालेको मन्त्रीलाई पनि सुनाउँन चाहान्छौँ । सहयोग गर्न चाहान्छौँ । असल काम गर्ने मन्त्रीहरु चाहे, कांग्रेस, एमाले वा माओवादीको काँध थाप्न हामी तयार छौँ । हामी कुलमान घिसिङको मान्छे होइनौँ । कुलनमान घिसिङले असल काम गर्नुभयो हामीले उहाँको पक्षमा काम गर्छौं । कुलमान घिसिङ सक्षम मान्छे हो उहाँलाई जिम्मेवारी विहिन बनाउँन हुन्न भनेर राधा ज्ञावालीसँग पनि हामीले टसल गर्‍यौँ । उहाँ असल भएका कारण हामीले बोकेका हौँ । अहिलेका मन्त्री असल नियतका साथ आउनु भएकाले हामीले बोकेका हौँ । हामी राजनीतिक पार्टीको झोला बोक्न छोड्छौँ । अर्को कुरा हामीले विभिन्न स्थानमा तालिम सञ्चालन गर्छौं । ‘हामी जनताको सेवक हौँ,’ हामीले त्यो खालको व्यवहार, नम्रता शिष्टता दिनुपर्छ भनेर सिकाउँछौँ । कार्यालयको काम छोडेर पार्टीको झन्डा बोक्न हामी जाँदैनौँ । केही दिन अघि एमालेको कार्यक्रममा पनि देखियो । त्यो भनेको देशको लागि दुर्भाग्यपूर्ण कुरा हो । जनताको पसिनाबाट आएको करबाट तलब खाएर कुनै राजनीतिक पार्टीको झोला बोक्नु भनेको ट्रेड युनियन आनदोलन बद्नाम हुनु हो । यो राम्रो कुरा होइन । हामीले कार्यालय समयमा ट्रेड युनियन गतिविधि नगर्ने भनेका छौँ । ट्रेड युनियनको नेतृत्व लिनको लागि हुने अस्वस्त प्रतिस्पर्धाहरु जसले लाखौँ करोडौँ खर्च गरेर चुनाव जित्ने परम्परा छ । त्यसलाई पूर्णरुपमा अन्त्य गरेका छौँ । हामीले जनताको सेवालाई असर नपर्नेगरी शुक्रबारको अन्तिम समयमा ट्रेड युनियनको कार्यक्रम राखिरहेका छौँ । जनताको सेवालाई अवरोध गर्नेगरी हामीले कहिलेपनि गर्दैनौँ । हामीले अस्वस्थ प्रतिस्पर्धाबाट आउनेलाई छोडेका छौँ । डिजिटल संगठनको अवधारणा ल्याएका छौँ । अब अहिलेको आइटीको युगमा प्राधिकरण पनि डिजिटलाइज हुनुप¥यो । संगठनको सदस्यताको फराम भर्न हामीले अनलाईन माध्यम प्रयोग गरेका छौँ । म आफै संगठनको अध्यक्ष ड्युटी गरेर बसेको हुन्छु । हाम्रो महासचिव, उपाध्यक्ष ड्युटी गर्नुहुन्छ । हामी आफै सेवा गर्न चाहान्छौँ । अरुको भन्दा उत्कृष्ट सेवा गर्न चाहान्छौँ । सरुवा र बढुवामा हुने ट्रेड युनियको सिफारिस हामीले अन्त्य गर्न चाहेका छौँ ।

ट्रेड युनियन भनेको को हुन् ? अनि उनले त्यहाँको डाइरेक्टर एमडीको सरुवा गर्ने ? कसले दियो त्यो अधिकार ? यहाँ कुकुरले पुच्छर हल्लाएन पुच्छरले कुकुर हल्लायो । हामीले प्राकृतिक न्यायको सिद्धान्तलाई आधार मान्छौँ । हामी राजनीतिक ढंगले बायोस गरेर होइन असल नियतले हामी काम गर्न चाहान्छौँ । हामीले अन्दोलनको स्वरुप परिवर्तन गर्न चाहेका छौँ । तुरुन्तै तालाबन्दी गरिहाल्ने, वा मान्छेमाथि कुटपीट गर्नु अराजकता हो । आन्दोलन शिष्ट तरिकाले पनि गर्न सकिन्छ ।

तपाईंले उठाउनु भएको एजेन्डालाई समग्र प्राधिकरणको कर्मचारीले कसरी बुझेका छन् ?

हाम्रो नेतृत्व आफै पनि प्राविधिक हो जसले हामी टेक्निकल भाषामा हामीले हाम्रो एजेन्डा राख्दै आएका छौँ । अहिले हाम्रो संगठनका व्यक्तिलाई विपक्षि संगठनका पदाधिकारी समेत तपाईंहरुलाई भोट हाल्छु भन्दै हिँड्नु भएको छ । उर्जा क्षेत्रमा पर निर्भरताको अन्त्यको लागि नेपाली पुँजीलाई जलविद्युतको विकास भन्ने नारा हामीले दिएका थियौँ । अहिले ‘नेपालको पानी जनताको लगानी’ भनेर आएको छ । यो एजेन्डा हाम्रो हो । यसलाई अहिलेको मन्त्री ज्युले स्वीकार गर्नुभयो । अदालतले पनि हाम्रो एजेन्डालाई जिताएको छ । विद्युत प्राधिकरणका कर्मचारीले पनि हामीलाई जिताइसक्नु भएको छ । हामीले चुनाव जितिसकेका छौँ । यो लडाईँ भनेको उज्यालो र अध्याँरोको बीचमा हो । अध्याँरोलाई कसैले पनि रोज्दैन, उज्यालोलाई नै रोज्छन् । यो लडाईं अग्रगमन र पश्चगमनको हो । अहिलेको मन्त्री र एमडिको भण्डाफोर गर्नु भयो । छिर्न नदिनेसम्मको कुरा समेत उहाँहरुले गर्नुभयो । उहाँहरु नेपालमा अध्याँरो चाहानुहुन्छ हामी उज्यालो चाहान्छौँ ।

Notes Nepal

प्रतिकृया लेख्नुहोस्:

सम्बन्धित

सर्वोच्च अदालतले ‘नवराज सिलवाललाई आइजिपी बनाऊ’ भनेर कहाँ भनेको छ ?

Friday, 24 March 2017

सरकारले गरेको प्रहरी प्रमुखको नियुक्तीलाई सर्वोच्च अदालतले उल्ट्याइदिएपछि प्रहरीमा थप अन्यौलता छाएको छ । सर्वोच्चको फैसलालाई लिएर विभिन्न टिक्का टिप्पणी ...

दोहोरो गोली हानाहानमा एक प्यालेस्टाइनीको मृत्यु

Monday, 6 March 2017

जेरुसेलम, २३ फागुन । रमाल्लाहको वेस्ट बैंक सिटीका आइतबार राति इजरायली सैनिकसँग भएको दोहोरो गोली हानाहानमा परी एक प्यालेटाइनीको मृत्यु ...

मिरा राई भन्छिन्,–‘मलाई जिताउँन अभियान चलाउँनेहरु देखेर खुसीको आँशु झर्छ’

Sunday, 20 November 2016

विश्व चर्चित टेलिभिजन नेशनल जियोग्राफीले वर्षैपिच्छे प्रदान गर्दै आएको विश्वभरिका साहासिक उत्कृष्ट १० व्यक्तिको २०१६ सूचीमा परेकी मीरा राई नेपालीहरूकाे ...

‘एमाले नामको ‘स्लो पोईजन’ दिएर कुठाराघात गरियो’

Saturday, 23 July 2016

योगेन्द्र घिसिङ माओवादी केन्द्रका सांसद हुन् । तत्कालीन डा. बाबुराम भट्टराई सभापति रहेको संवैधानिक राजनीतिक संवाद तथा सहमति समितिमा रहँदा ...

केपी ओली र अर्थमन्त्रीले हामीसँग झूट बोल्नुभयो : वर्षमान पुन अनन्त

Monday, 11 July 2016

प्रधानमन्त्री केपी ओली नेतृत्वको सरकार परिवर्तनको बहसले नेपाली राजनीति फेरी तरंगित छ । प्रमुख सत्ता साझेदार दल नेकपा माओवादी केन्द्रले ...

राजतन्त्र पुनरागमनको विषयमा सर्वसाधरणलाई सोध्नुपर्छ : ज्ञानेन्द्र शाहा

Saturday, 9 July 2016

पूर्वराजा ज्ञानेन्द्र शाहा त्यति साह्रै सञ्चार माध्यममा आउँदैनन् । तर, उनको ७० औं जन्मदिनको उपलक्षमा एक चर्चित आरजे सविना कार्कीले ...

‘दुई/तीन मिनेटमा राजा विरेन्द्रको परिवार सिद्धिसकेको थियो’

Wednesday, 1 June 2016

सत्य छानबिन भए ज्ञानेन्द्र चोखिने मौका पाउँथे । दीपेन्द्रको कोठामा ५ /७ वटा राईफलहरु हुन्थ्यो । उहाँको मोटरमा पनि हतियार ...

‘हामीसँग मात्रै होइन वर्षमान, जर्नादन र बलदेव जीहरुसँग समेत हतियार छ ’

Monday, 30 May 2016

विप्लव नेतृत्वको नेकपा माओवादीका केन्द्रीय सदस्य मोहन कार्की ‘जिवन्त’ सशस्त्र द्वन्दकालमा चर्चित नाम हो । वि.स. २०१६ सालमा धादिङको निलकण्ठ ...

‘प्रचण्डले समर्थन फिर्ता लिएपनि सरकार ढल्ने थिएन’

Saturday, 14 May 2016

एमाले नेता तथा पूर्व सामान्य प्रशासन मन्त्री लालबाबु पण्डित कुनै समय निकै चर्चा थिए । सामान्य प्रशासन मन्त्री रहँदा डिभि ...

vianet

लोकप्रिय

मनोरञ्जन

Top